"Patibayon an sadiring Istorya asin Kultura"

Patibayon an sadiring istorya asin kultura, ini po an tema kan katatapos pa sanang Kasanggayahan Festival 2004. Maski na ngani simplehonon sana an mga naging aktibidadis kan selebrasyon, pero ini naging maogma asin memorable sa mga namamanwaan kan Probinsiya nin Sorsogon. Tinaw-an doon an pagbalik hiling kan so-anoy na istorya kan Sorsogon sa paagi kan mga "Cultural Presentation,Heritage Lecture,Historico-Cultural Parade asin an pamosong Pantomina sa Tinampo.

Oktubre 18,2004 aldaw nin Sabado kan guibohon an Historico-Cultural Parade, sa bilog na Poblacion kan Ciudad nin Sorsogon. Pagkabangui kaidto nag kaigwa nin Cultural Presentation an mga Eskuwelahan Pampubliko; may nag karanta. may nag "folk dance",Rondalla asin man lain-lain pa. Nag pamalas nin magayon na boses sa sarong kantang Bikol(Sorsoganon) an duwang estudayante na hale pa sa Sorsogon Pilot Elementary School. Inawit ni Paolo Dimaano asin ni Ellaine Callos an sarong orihinal na komposisyon na may titolong "Sorsogon ko'ng namomot-an" na nagkataon na sinurat asin kinomposo kan sa indong lingkod mga sampulong taon na an naka-agi (1994). An kantang ini sakuyang "entry" sa pig-gibong KantaKasanggayan Song Writing Competition,sampulong taon na an naka-agi. Personal na pig "training" ni Mr.Azel Diesta an mga nasabing estudyante.

Kinaagahan, Oktubre 19,2004, nagkaigwa nin 4th Heritage Lecture sa Laboure Hall kan St.Louise de Marillac (foremerly Collegio de la Milagrosa) na kun saiin pigtalakay duman an Istorya kan Sorsogon bilang sarong Probinsiya. Pina-kanta guiraray kay Paolo asin Ellaine an "Sorsogon kong namomot-an". An nasabing Heritage Lecture pigpartisiparan kan mga Maestro asin Maestra asin an mga intresadong mag dangog kan nasabi ng Lecture. Pag kabangui, padagops an Cultural Presentation sa Capitol Park na pig partisiparan naman ngunyan kan mga Pribadong Eskuwelahan digdi sa Sorsogon.

Oktubre 24,2004, kina-banguihan, iyo an Culminating Program,Awards and Recognition asin Cultural Nights guiraray. Sa liwat inawit guiraray ni Paolo asin Ellaine an "Sorsogon kong namomot-an" na talaga naman na magayonon an sa indang pag kakanta, kaya ngani sinda pig palakpakan kan dakolon an Sorsoganon na itoon duman. Sumunod an mga sayaw Sorsoganon na pig prisentar ka Bukawel Performing Arts, o an Community Base Theater Group (CBTG) sa pamamayo naman ni Mr.Dan Razo. Bilang pagtatapos, maw-ot ko'ng pasalamatan si Mr.Azel Diesta sa pag rekognisar sakuya bilang Kompositor kan kantang "Sorsogon ko'ng namomot-an", ta ini nadangog kan bilog na Sorsogon maski ngani sampulong taon na an nakaagi, poon kan ini mai-surat ko. Siring man an sakuyang pasasalamat sa Kasanggayhan Foundation sa pamamayo ni Msgr.Francisco Monje, sa AITV sa pamamayo naman ni Father Paolo Alutto asin ni Mr.Sauro Amistoso, sa indo gabos Salamatonon. Maw-ot ko na sa mga masunod pang selebrasyon Kasanggayahan Festival lalo tang "Patitibayon an sadiring istorya asin Kultura". Dios Mabalos!