Sorsogon Update

Thursday, December 09, 2004

PASKO NA NAMAN!

Pasko na naman, o kay tulin ng araw" permi ta nababati sa mga Karoling pag naabot na an irog sadi na panahon. Tama talaga an sabi san Lyrics san kanta na ina, "na napaka tulin ng araw" mala ngani ina kay kasan-o lang nag selebrar kita san Bag-ong Taon (2004) niyan patapos na naman an 2004 nan ma New Year naman. Anyway talagang irog sana an buhay ta didi sa quinab-an..Pero pag iristoryahan ta anay didi, kun pan-o kita na mga Pilipino mag selebrar san Kapaskuhan.

Sa gabos daw na rasa didi sa quinab-an, kita na mga Pilipino an painakaatab mag Celebrate san Christmas, sabagay tama ina, kay kita baga pag sulod pa lamang san bulan na may "BER" (September) feel ta na an Christmas Season. Pag Bulan na san October, an iba nag babatog na pagruluwas san mga Christmas Decorations. Ako bilang sarong FM-DJ, as early as September nagpapadiyot-diyot na ako sana pag patugtug sin mga Christmas Songs,pag October,November hanggan Pasko, talagang ratsada na sana an Christmas Songs on air.

May kasabihan ngani na Christmas Season is the most wonderful time of the year, well of course that is true, dahil sabi na ngani naton na mga Pilipino na maski krisis,maski masakit an buhay, pero nano daw ina ano? kay pag Pasko na nalutaw man maski puro-papan-o an kwarta san mga tawo. Of course an mga empleyado may in-aasahan na 13 month pay nan Christmas Bonos hale sa sainda na nga intatrabahoan.

Didi sa Sorsogon,maogmahon man an pag selebrar didi san Pasko. Mala ngani niyan kay makita mo an mga tindahan sa Centro, puno na sin mga dekorasyon nan san mga nag iimat-imat na mga Christmas Lights. Sa mga balay balay man amo man, pagarayonan sin mga ilaw.Parte ini san tradisyon asin kultura ta na mga Pilipino na mag dekorar san saaton na balay pag irog sadi na Pasko, kay nganing kuno igwa sin "Spirit of Christmas" an sa aton na mga Balay.

Pag batog nanggayod san Bulan san December, amo na ini an pinakamaogma na mga adlaw. Yada na an 'Aguinaldo" o an Misa de gallo na nabatog na petsa 16 san Disyembre. Na pag luwas bag hale sa simbahan, mapakadto sa Plaza kay mabakal sin pamahawon (sa Kapihan ni Tia Tinay) NA Puto Bongbong,Suman Lihiya,Ibos,Biko,Petche-Petche,Bas-oy,Pansit,Kutsinta nan an masiramon na Lanson sa Kapihan man ni Eppie Jaymalin. Of course an iba man mabakal sin Pandesal dida sa Sorsogon Grocery and Bakery o kaya sa Janes bakeshop o ini na Julies Bakeshop.An mga Daraga y Soltero man, pag medyo may kwarta medyo didto man sa Jollibee,Chowking,Graceland o sa Greenwhich an daralagan.

Amo man ini na panahon na ini an damo damo an mga Christmas Party o Merry Making sa mga Eskwelahan,sa mga Opisina nan maski diin-diin. Perfect Season man ini para sa mga Family Reunion,usually ingigibo ini, a night before Christmas sa intatawag ta na NOCHE BUENA. Pag ka aga sa mismong adlaw san Pasko, yada na an Gift giving nan an pag bisita sa mga 'Inaanak" sa sainda na mga Ninomg nan Ninang. Ini na klase na ini sin Kultura an wara sa ibang mga nasyon didi sa quinab-an.

Pero sa saron banda gusto ko lang guihapon ipadomdom sa indo an tunay na "meaning" kun nano kay may Pasko. Sabi ko ngani "ipadomdom" kay aram ko man na aram nindo na Christmas iamo an Selebrasyon ta san pagkabuhay ni HESUKRISTO did sa quinab-an para kita kaldahon sa satuyang mga kasal-an. Sana niyan na Pasko, magpasalamat kita sa Diyos sa gabos na mga 'Blessings' natanggap naton, nan sana matuto kita mag hiras sadi na mga Biyaya na ini sa iba ta nakatugangan na nangangaipo. Aram man siguro nindo na an Pilipinas (Luzon) inagihan sin 4 na surunod sunod na Kalamidad (Bagyo) na talagang damo an na destoso nan an mga nagkamaratay dahil san kalamidad na idto. Pasalamat kita kay didi sa SORSOGON dili masyado an destoso sadto na nag aragi na Bagyo.

Anyway, habo ko man kamo pag pamunduon kay Pasko baga didi an in iiristoryahan naton, kaya lang dili ko maiwasan na banguiton ito na tungkol sa Bagyo. So mga kababayan kong Sorsoganon dida sa Abroad, dida sa America,Canada,Europe,Australia,Middle East nan sa Asya, nano dili lamang niyo na mi-miss an Christmas didi sa Sorsogon? Anyway. hain man kamo niyan. aram ko na maogma man guihapon kamo. Kaya sa mga kababayan ko'ng SORSOGANON,
MAOGMANG PASKO ASIN MAGAYA-GAYANG BAG-ONG TAON SA INDO GABOS!

0 Comments:

Post a Comment

<< Home